بقلم د.ثروت راضى (وفاة والدى فى مستشفى أبوتشت المركزى)

وفاة والدى فى مستشفى أبوتشت المركزى .!!

مـمكن اكـتر واحـد بيكتب عن المستشفى من ساعة ما فتحنا الملف أنا
والـكلام ده يـمكن لـيه سـنه تـقريبا ودا يـرجع لـعدة اســباب اهـمها :
وفاة والدى رحمة الله عليه بمستشفى أبوتشت الـمركزى وكـانت كـالتالى
تحدث اليا أخى الأكبر تلفونيا وقال لى ان والـدى تـعب فـجأة ومــش عـارفين
السبب اية ؟ والـكلام ده كـان بالليل وانا كـنت مـتواجد فـى مــدينة الـغردقة
قولتله تلفونيا بعد وصف الحاله انة ياخد علاج كـذا وكذا وتـجرى بـيه بـسرعه
على المستشفى لأن عنده جلطة واقرب مـكان المستشفى لأن الـدنيا ليل
وأنا اعددت العدة وطيارة على البلد طبعا عـشان اشوف ابويا اللى وقع فـجأة
وكنت طول الطريق متابع عن طريق التلفون .

تـخيلوا يـا جماعة مسافة الغردقة الى أبوتشت حوالى 4 ساعات والدى كلمنى
فـى التلفون وبـعد مـضى ساعتين دخـل فى غيبوبة تـامة وطبعا كلمت الطبيب
الموجود فى قـسم الاستقبال سـاعتها وكـان ( جى بى ) يـعنى مـمـارس عـام
وشـرحت لـيه الــحاله بالـتفصيل وقــسما بـالله قـولتله اعـطيه عـلاج كـذا وكـذا
وطبعا بعد اتصالاتى بالدكاترة الاستشاريين لان الطبيب الممارس العام الموجود
فى المستشفى قالى انا معرفش اشخص الحاله لانها محتاجه استشارى .!!

المهم :-
أنا وصلت تقريبا على الساعة 10 بالليل المستشفى ولقيت والدى فى غيبوبه
تـامة وكـالعادة عـرضت عـلى اخويا وابناء عمى لازم نـودية مستشفى اسيوط
حـالا لان الـحالة مـتأخرة واسـتمر هذا الـجدل الى الساعة 12 بـالليل وبـالفعل
اعددنا العدة ونوينا نقله الى اسيوط .

اقترح عليه الطبيب بتاع الاستقبال ساعتها نخليها الصبح عـشان مفيش حـالات
اسـتقبال حأاليا فأى اسيوط ونفس الأقصة طبيب ممارس عـام واتــصلت بالقصر
الـعينى فـى اسـيوط وايضا اكـدوا لنا ذلك وآخر قرار على الساعة 5 الفجر نتوكل
على الله والاسعاف تكون جاهزة وخلصنا الأوراق .

مـن الـسـاعة 12 بـالليل الـى الساعة 5 صباحا انا كنت بعمل كل حاجة لوالدى
لـدرجة انـى طـلبت مـن الـممرضة جـهاز تـنفس صـناعى قالتلى ممنوع لان دا
فـى الـعمليات فـقط ولما عـرفت ان أنا دكتور جـابت الـجهاز بـس كـانت خــايفة .

اشتــغلت انا مـع ابـويا عـليه رحـمة الله وعـلقت ليه مــحاليل وركــبت كانيولا
وطلبت جهاز الشفط وبـرضوا الممرضة قـالتلى دا بتاع الـعمليات وانـا هـطلعة
لحضرتك ولو ان دى مسؤلية وطلعت الجهاز واشـتغلت بية ورجـعتة تانى طبعا .

الـسـاعة 7.00 ص خـلصنا الأوراق والأســعاف جــاهزة لـقيت أمـى بـتتصل بـيا
وبتقولى الحقنى أبوك بينهد جامد وبسرعة مش عارفة ليه ؟

طـلعنا نـجرى انـا والـدكتور بـتاع الأسـتقبال لقيت والدى القلب توقف تماما ونزل
والدى مرحلة اسمها ( اريست ) ومحتاج تنفس صناعى .

وفى الحالة دى مطلوب عمل حاجة اسمها ( سى بى ار ) اقسم بالله العلى
العظيم ان دكتور الأستقبال ما عارف يعمل الــ ( سى بى ار ) وبـرضوا انا اللى
عملتة ولكن للاسف ارادة ربنا كانت فوق كل شيء وتوفى والدى على يدى
فـى مستشفى أبوتشت المركزى أو مستشفى التحويلات .!!

أنـا مـكنتش عـاوز اكـتب الـكلام ده بـس للاسـف هى دى الحقيقة يا جماعة .
رحم الله والدى وغفر له ولجميع موتانا وموتى المسلمين جميعا اللهم آمين .

د/ثروت راضى.